ສປຊ ມີຄວາມວິຕົກກັງວົນຢ່າງເລິກເຊິ່ງຕໍ່ສະພາບຄວາມໝັ້ນຄົງຢູ່ ໄຮຕິ
ຕາມຂ່າວສານຊິນຮວາລາຍງານ ວັນທີ 5 ມີນາ ນີ້ວ່າ: ທ່ານ ອານໂຕນີໂອ ກູເຕີເຣສ ເລຂາທິການໃຫຍ່ສະຫະປະຊາຊາດ ໄດ້ສະແດງ
ຄວາມວິຕົກກັງວົນຢ່າງເລິກເຊິ່ງຕໍ່ສະພາບການຄວາມໝັ້ນຄົງຢູ່ ໄຮຕິ ທີ່ພວມຮ້າຍແຮງຂຶ້ນ.
ທ່ານໄດ້ຢືນຢັນຄືນໃໝ່ຄວາມຈຳເປັນຕ້ອງຮີບເຮັ່ງມີການກະທຳ, ໂດຍສະເພາະແມ່ນການສະໜອງດ້ານການເງິນ ໃຫ້ແກ້ພາລະກຳຄວາມ
ໝັ້ນຄົງແຫ່ງຊາດ ໂດຍສະຫະປະຊາຊາດ ອຸປະຖຳຢູ່ປະເທດນີ້. ໃນເຫດການທີ່ກ່ຽວຂ້ອງ, ໃນວັນດຽວກັນ, ພາຍຫຼັງສະຖານທູດ ອາເມຣິກາ
ແລະ ຝຣັ່ງ, ສະຖານທູດ ການາດາ ແລະ ແອັດສະປາຍ ປະຈຳ ໄຮຕິ ໄດ້ແຈ້ງການປິດປະຕູໂດຍຊົ່ວຄາວ ແລະ ຍົກເລີກທຸກການເຮັດວຽກ
ຍ້ອນເຫດຜົນຄວາມປອດໄພ. ບໍລິສັດການບິນ ອາເມຣິກາ ແອລາຍ ແລະ JetBlue ໄດ້ຢຸດຕິບັນດາຖ້ຽວບິນໄປຍັງ ໄຮຕິ ໃນວັນດຽວກັນ,
ອົງການບັນດາປະເທດທະວີບ ອາເມຣິກາ (OAS) ຮຽກຮ້ອງຊຸກຍູ້ບັນດາຄວາມມານະພະຍາຍາມຮ່ວມມືຢູ່ສະຫະປະຊາຊາດ ເພື່ອຟື້ນຟູ
ຄວາມໝັ້ນຄົງຢູ່ປະເທດນີ້.
ກ່ອນໜ້ານັ້ນ, ຕອນຄ່ຳວັນທີ 02 ມີນາ ຫາຮຸ່ງເຊົ້າວັນທີ 03 ມີນາ (ຕາມເວລາທ້ອງຖິ່ນ), ບັນດາກຸ່ມອາດຊະຍາກອນຢູ່ ໄຮຕິ ໄດ້ບຸກ
ໂຈມຕີຄຸກແຫ່ງຊາດເຮັດໃຫ້ມີຢ່າງໜ້ອຍສຸດ 10 ຄົນເສຍຊີວິດ ແລະ ປ່ອຍຕົວນັກໂທດນັບພັນຄົນ. ລັດຖະບານ ໄຮຕິ ໄດ້ປະກາດຄຳສັ່ງສະ
ພາວະສຸກເສີນ ແລະ ຫ້າມປະຊາຊົນອອກເຮືອນແຕ່ເວລາ 18 ໂມງ ຫາ 5 ໂມງຂອງວັນຕໍ່ມາ.
ແຫຼ່ງທີ່ມາ: ໜັງສືພິມກອງທັບ
ວັນທີ 11/03/2024